வாத எண்ணெய் தயாரிப்பு முறை

இது ஒரு இரகசிய எளிய அனுபவ வீட்டு மருந்து ஆகும். இந்த தமிழ் மருத்துவம் அழிந்து விடக் கூடாதுஅனைத்து மக்களுக்கும் சென்று சேர வேண்டும் என்ற உன்னத நோக்கில்இந்த இரகசிய மருந்து தயாரித்துப் பயன்படுத்தும் முறையை வெளிப் படுத்தி உள்ளோம்.

எண்பது வகை வாதங்களும்
அனைத்து சூலை நோய்களும்
மருத்துவர்களால் கைவிடப்பட்ட நோய்கள் கூட குணமாகும் வாத எண்ணெய்.

1) எண்ணெய்கள்

நல்லெண்ணெய் ... நூறு மில்லி
வேப்ப எண்ணெய் ...நூறு மில்லி
விளக்கெண்ணெய் ...நூறு மில்லி

2)காடி நீர்
புளித்த காடி நீர்
அதாவது புளித்த பழைய சோற்று நீர்
நீத் தண்ணீர் நீச்சதண்ணீர் என்றும் கூறுவார்

3)மருந்துப் பொருட்கள்
சுக்கு,மிளகு,திப்பிலி,பூண்டு,ஓமம்
பெருங்காயம்,கிராம்பு,வசம்பு,சதகுப்பை

4)மருந்து சாப்பிட, நாட்டுப் பசும்பால்
வாத எண்ணெய் செய்யும் முறை

அ)மேற்கூறிய ஒன்பது மருந்துப் பொருட்களையும்
சம அளவு அதாவது ஒவ்வொன்றிலும் பதினைந்து கிராம் அளவுக்கு எடுத்து
சேர்த்து அரைத்து சூரணமாக ஆக்கிக்கொள்ளவும்

ஆ)இந்த சூரணத்தில்
நான்கு தேக்கரண்டி அளவு எடுத்து
அதை புளித்த காடி (பழைய சோற்று நீர் புளித்தது )ஊற்றி
நன்கு விழுதாக அரைத்துக் கொள்ளவும்


இ)வாணலியை அடுப்பிலேற்றி
முதலில் நல்லெண்ணெய் ஊற்றி நன்கு கொதித்ததும் வேப்பெண்ணெய் ஊற்றிக் கலந்து கொதிக்கவிட்டு நன்கு கொதி வந்தபின் விளக்கெண்ணெய் ஊற்றிக் கலந்து நன்கு கொதிக்க விட வேண்டும். மூன்று எண்ணெய்களும் ஒன்றாக உறவாடி நன்கு கலந்து கொதித்த பின், நாம் ஏற்கெனவே அரைத்து வைத்துள்ள மருந்து விழுதைச்
சிறிது சிறிதாகப் போட்டுக் கிளறி நன்கு கொதிக்க விட வேண்டும்
இவ்வாறு நன்கு கொதித்துக் கொண்டிருக்கும் வேளையில்
அத்துடன் ஒரு தேக்கரண்டி புளித்த காடி நீரை ஊற்றிக் கிளறவும்.நன்குகொதிக்க விடவும். நுரை அடங்கி வரும்
நுரை அடங்கி விட்டால் சரியான தைலப் பதம் வந்து விட்டது என்று பொருள்
இறக்கி வடி கட்டி ஆற வைத்து ஒரு பாட்டிலில் சேமிக்கவும்இந்த முழு செயலையும் சிறுதீயில் செய்ய வேண்டும்.

இவ்வாறு கிடைத்த எண்ணெய்க்கு
வாத எண்ணெய் என்று பெயர்

ஈ)வாத எண்ணெயை மருந்தாக சாப்பிடும் முறை:

உள் மருந்தாக நூறு மில்லி நாட்டுப் பசும்பாலை நன்கு கொதிக்க வைத்து
இறக்கி குடிக்கும்அளவுக்குஇளஞ்சூட்டில் இருக்கும்போது அந்தப் பாலுடன்
அரை தேக்கரண்டி வாத எண்ணெயை ஊற்றிக் கலந்து, உணவுக்குப் பின்
அரை மணி நேரம் கழித்துகாலை மாலை என தினமும் இரண்டு வேளை குடித்து வர வேண்டும். வெளி மருந்தாக
இந்த வாத எண்ணெயை
தினமும் இரவில்
கை கால்களில் தேய்த்து
மென்மையாக மசாஜ் செய்துமறு நாள் காலையில் இளம் வெந்நீரில் குளிக்க வேண்டும்.இவ்வாறு தினமும் செய்து வரஎண்பதுவகைவாதங்களும்அனைது சூலைநோய்களும்மருத்துவர்களால்கைவிடப்பட்ட நோய்கள் கூட குணமாகும்.

நடுக்கு வாதம்
முடக்கு வாதம்
கீல்வாதம்
நரித்தலைவாதம்
ஆமைவாதம்
பக்கவாதம்
கைகால்கள் வீக்கம், வலி
போன்ற அனைத்து வாத நோய்களும்
அனைத்து சூலை நோய்களும் குணமாகும்.
இது ஒரு இரகசிய எளிய அனுபவ வீட்டு மருந்து ஆகும்!

இயற்கை வழியில் கைகால் வீக்கத்தை சரி செய்யுங்கள்.!

அரை லிட்டர்  வேப்பெண்ணையை சூடாக்கி அதில் பத்து நொச்சி இலை களை பிச்சுப்போட்டு இலை வதங்கி யதும் இறக்கி வைத்து விட்டு கொஞ்சம் எண்ணையையை எடுத்து வீக்கம் உள்ள பகுதியில் போட்டு மேலிருந்து கீழாக தடவிவிட்டு,  அரைமணி நேரம் இளம் வெயிலில் அமர்ந்திருந்தால் கைகால் வீக்கம் குணமாகும்!

அடிக்கடி கால் வீங்குபவர்கள் உட்காரும் போது காலை தொங்கப் போடாமல் காலை  இடுப்பளவு உயரத்தில் வைத்து உட்கார வேண்டும். அதோடு படுக்கும் போது காலிற்கும் ஒரு தலையணை வைத்துக் கொள்ளலாம்!

அதிக வீக்கமும் வலியும் இருப்பவர்கள் நொச்சி எண்ணைய் சிகிச்சைக்குப் பின, கொஞ்சம் சுடுநீரில் உப்புப் போட்டு ஒத் தடம் கொடுக்கலாம்! அதுபோலவே எண்ணைய் போட்டபிறகு அதன் மேல் வெற்றிலையை வாட்டி வரிசையாக  வைத்து வீக்கம் உள்ள இடத்தை சுற்றி கட்டி இரவில் தூங்கி விட்டால் ஒரிரு நாட்களில் வீக்கம் முற்றிலும் மாறி விடும்!

நலம் பெருகட்டும் …

குழந்தைகளுக்கான சத்துமாவு

செய்முறை

வரகு 1கிலோ
கைகுத்தல் அரிசி 300 கிராம்
உளுந்து 150 கிராம்
சிறுபயறு 100 கிராம்
பொரிகடலை 100 கிராம்
பார்லி அரிசி 50 கிராம்
எள் 25 கிராம்
பிஸ்தா பருப்பு 10 கிராம்
பாதாம் பருப்பு 10 கிராம்
முந்திரி பருப்பு 10 கிராம்
வேர்க்கடலை  10 கிராம்
ஏலக்காய் 10 கிராம்

இவற்றில் வரகு , பார்லியை தவிர எல்லாவற்றையும் தனித்தனியாக லேசாக வறுத்து வைத்துக்கொண்டு வரகு பார்லியுடன் அனைத்தையும் சேர்த்து  இயந்திரத்தில் பொடித்து வைத்துக்கொண்டு இரண்டு தேக்கரண்டி மாவுடன் தேவையான அளவு பனங்கற்கண்டு சேர்த்து நீர்விட்டு காய்ச்சி குழந்தைகளுக்கு கொடுத்து வந்தால் குழந்தைகளுக்கு நோய் எதிர்ப்பு ஆற்றல் அதிகரிக்கும்
ஊட்டச்சத்து குறைபாடு நீங்கும்
வயிறு உப்புசம்,  மலச்சிக்கல் போன்ற உபாதைகள் சீராவதுடன். நெஞ்சுச்சளியும் அகலும்.! இந்த மாவை 6 மாதம் முதல் உள்ள எல்லாக் குழந்தைகளுக்கும் இரண்டு வேளை கொடுக்கலாம்.!

ஓர் அனுபவம்.!

இந்தக்குறிப்பை இலங்கையை சேர்ந்த நமது  முகநூல் நட்பாளர் Magesh Rahini Sivakumar அவர்கள் கூறி இருந்தார். இலங்கையில் உள்ள ஒரு ஆயுர்வேத மருத்துவமனையில் இந்தக் குறிப்பை கற்றுகொண்டதாகவும் தனது பேரனுக்கு இந்த சத்துமாவை தொடர்ந்து குடுத்து வருவதால் மிக ஆரோக்கியமாக இருப்பதுடன், எந்த பருவகால நோய்களும் அவனை தாக்குவதில்லை. அதோடு அவன் இந்தமாவை மிகவும் விரும்பி சாப்பிடவும் செய்கிறான். சமீபத்தில் எங்கள் பகுதியில் உள்ள அனைத்து குழந்தைகளும் சளியால் அவஸ்தை பட்டபோது கூட இவன் மிக ஆரோக்கியமாக இருந்தான். இது குறித்து எங்கள் பகுதி மருத்துவர்கள் கூட ஆச்சரியம் தெரிவிக்கின்றனர். நன்றி ஆயுர்வேதா என்று கூறி இருந்தார்.! 

இந்தத் தகவலை அறிந்த நாம்  சளியால் அவஸ்தைபட்டு வந்த நமது மாணவர் ஒருவரின் ஒரு வயது குழந்தைக்கு மேற்கண்ட முறைப்படியானப் பொருளோடு கால்கிலோ சுத்தமான பனங்கற்கண்டும் சிறிது அமுக்ரா சூரணமும் சேர்த்துப் பொடித்து இரண்டு நாட்களாக கொடுத்து வந்தோம்.! சளியால் எப்பொழுதும் முசுமுசுவென  மூச்சுவிட சிரமப்பட்ட நண்பரின் பெண் குழந்தை இப்பொழுது நன்றாக மூச்சுவிடுகிறது. சளியும் துண்டுத்துண்டாக வெளியேறுவதாக கூறி மிக நன்றி ஆசானே என்றதுடன் இன்னும் எவ்வளவு மாவு இருக்கிறது, அவ்வளவும் எனக்கு வேண்டும் என்று வாங்கிசென்றுவிட்டார்.!

அடடா.! இருக்கிற மூலிகைகளையே நம்மால் தட்டுப்பாடில்லாமல் தயாரிக்க முடியவில்லை. இதில் புதிதாக இதுவும் சேர்ந்து விட்டதா, என்று முனகியபடியே இன்று நமது சத்துமாவோடு மீண்டும் இந்த மாவை ஒரு நான்கு கிலோ மட்டும் இன்று தயாரிக்கப் போகிறேன்.! 

நீங்களும் இதை தயாரித்து கொடுத்து உங்கள் குழந்தைகளின் ஆரோக் கியத்தை மேம்படுத்துங்கள் செர்லாக், ஹார்லிக்ஸ் , இருமல் டானிக் போன்ற இரசாயண அரக்கர்களிடம்  இருந்து குழந்தை செல்வங்களின் ஆரோக்கி யத்தை  மீட்டெடுங்கள்.!

வீட்டிலேயே தயாரிக்கலாம் ஊட்டச்சத்து மாவு

உங்கள் செல்லக் குழந்தை நூற்றுக்கு நூறு மதிப்பெண் எடுக்க வேண்டுமா..? எக்ஸ்ட்ரா பிரெய்ன்… எக்ஸ்ட்ரா எனர்ஜி கிடைக்க வேண்டுமா..? நெடுநெடுவென உயரமாக வளர வேண்டுமா..? பருகுவீர்…! என டி.வி.யில் அடிக்கடி ஒளிபரப்பாகின்றன ஆரோக்கிய பான விளம்பரங்கள்!

இவற்றால் ஈர்க்கப்பட்ட நுகர்வோரின் மாதாந்திர பட்ஜெட்டில் தவறாமல் இடம் பிடித்து விட்டவைதான் இந்த ஊட்டச்சத்து பவுடர்கள்.

நாளடைவில் இந்த பானத்தை குடித்தால்தான், உங்கள் குழந்தைகள் ஆரோக்கியமாக இருக்கும் என நுகர்வோரை மூளைச் சலவை செய்து விட்டதன் விளைவுதான் இது..!

வசதி வாய்ப்புள்ளவர்கள் அதிக பணம் செலவழித்து இந்த ஊட்டச் சத்து பவுடரை வாங்கிவிடுகின்றனர். ஆனால், மற்றவர்கள்..?

இந்நிலையைத் தவிர்க்க, அதைவிட சத்துமிக்க ஊட்டச்சத்து பவுடரை குறைந்த  செலவில் வீட்டிலேயே தயாரிக்கலாம்.
“”சிறிய பாக்கெட்டுகளில் அடைக்கப்பட்ட ஊட்டச்சத்து பவுடர்கள் கால் கிலோ விலை  ரூ. 100-க்கு மேல்! கிலோவுக்கு ரூ. 400-க்கு மேல் ஆகிறது. குழந்தைகள் வளர ஊட்டச்சத்து அவசியம்தான். அந்தக் காலத்தில் இயற்கையான உணவை உண்டு குழந்தைகள் ஆரோக்கியமாக, திடகாத்திரமாக வளர்ந்தன.

தற்போது நம்முடைய உணவுப் பழக்க, வழக்கமே மாறிப் போய் விட்டது. இதனால், குழந்தைகளுக்கு ஊட்டச்சத்து அளிக்க இதுபோன்ற உணவு அவசியமாகிறது.

இல்லத்தரசிகள் நேரத்தை கொஞ்சம் செலவிட்டு, முயற்சி செய்தால் கிலோ ரூ. 500 கொடுத்து வாங்கும் ஊட்டச் சத்து பவுடரை, வீட்டிலேயே ரூ. 50 முதல் ரூ. 70 செலவில் தயாரித்து விடலாம்!

இதைத் தயாரிப்பது ஒன்றும் சிரமமான காரியமல்ல, கொஞ்சம் முயற்சி; கொஞ்சம் பயிற்சி தேவை. வீட்டிலேயே தயாராகும் அருமையான பானம், குழந்தைகளும் பெரியவர்களும் விரும்பும் சத்தான பானமாக இருக்கும்.
பொதுவாக தனியார் நிறுவனத் தயாரிப்புகளில் பார்லி, சிறிதளவு கோதுமை மாவு, பால் பவுடர், சர்க்கரை உள்ளிட்ட பொருள்கள் கலக்கப்பட்டிருக்கும். ஆரோக்கிய பானத்தில் 22 முதல் 24 வகையான சத்துகள் உள்ளதாக விளம்பரப்படுத்துகின்றனர்.

நாம் தயாரிக்கும் ஊட்டச்சத்து பானத்திலும் அதே 24 வகையான சத்துகள் உள்ளன.

எந்த ஒரு தானிய வகை உணவும், பருப்பு வகை உணவும் 4:1 என்ற விகிதத்தில் கலந்து  சாப்பிட்டாலே இந்த 24 வகையான சத்துகளும் உடலுக்குக் கிடைத்துவிடும்.

புரதம், கொழுப்பு, மாவுச்சத்து, கலோரி, சுண்ணாம்பு, பாஸ்பரஸ், இரும்பு, வைட்டமின் ஏ, பி1, பி2, நையாசின், பி6, போலிக் ஆசிட், கோலின், வைட்டமின் சி, சோடியம், பொட்டாசியம், மெக்னீசியம், காப்பர், துத்தநாகம், குரோமியம், சல்பர், குளோரின், மாலிப்டினம் ஆகியவையே மேற்குறிப்பிட்ட சத்துகளாகும்.

நாம் தயாரிக்கும் இயற்கையான ஊட்டச்சத்து பவுடரில் முளைவிட்ட கம்பு, சம்பா கோதுமை, சோளம், முளைவிட்ட கேழ்வரகு, பொட்டுக்கடலை, சிறிதளவு கடலை சம அளவில் எடுத்துக் கொண்டு, தீய்ந்து போகாமல் வறுத்துக் கொள்ள வேண்டும்.

இதில் சுவைக்காக பாதாம் பருப்பு, பார்லி, ஏலக்காய், ஜவ்வரிசி, முந்திரிப்பருப்பை கொஞ்சம் கொஞ்சம் எடுத்து நெய்யில் வறுத்து சேர்த்துக் கொள்ளலாம். பின்னர் இந்தக் கலவையை மொத்தமாகக் கலந்து பவுடராக அரைத்து பாட்டிலில்  சேமித்து வைத்துக் கொண்டால் “சத்துமாவு’ தயார்.

காலையிலும், மாலையிலும் சூடான பாலிலோ, தண்ணீரிலோ நாம் தயாரித்து வைத்துள்ள சத்து மாவை தேவைக்கேற்ப கலந்து மிதமான தீயில் தீய்ந்து விடாமல் சூடாக்கி சர்க்கரை சேர்த்து பருகக் கொடுக்கலாம்.

இதன் சுவையாலும், மணத்தாலும் நாளடைவில் ஈர்க்கப்படும் குழந்தைகள் விரும்பிக் குடிக்க ஆரம்பிப்பார்கள். கடைகளில் வாங்கும் ஊட்டச்சத்து பவுடர்கள் காலாவதியானதோ..? கலப்படமோ..? என்று அச்சப்படத் தேவையில்லை.

- என்ன இல்லத்தரசிகளே..! நீங்களும் ரெடியாகி விட்டீர்களா.. ஊட்டச்சத்து மாவு தயாரிக்க..!

உங்கள் எண்ணை 'ப்ரைவேட் நம்பராக' மாற்றுவது எப்படி..?

நமது அன்றாட வாழ்க்கையில் நாம் அனைவரும் பல தொலைபேசி அழைப்புகளை மேற்கொள்ள வேண்டியது இருக்கிறது சில சமயம் முற்றிலும் தெரியாத நபர்களுகளையும் நாம் அழைக்க நேரிடும். ஒரு தெரியாத நபரிடம் நாம் நமது தனிப்பட்ட தொலைபேசி எண்ணை வெளிப்படுத்துவது என்பது சிலசமயம் அச்சுறுத்தல் சம்பவங்கள் மற்றும் தீங்கிழைக்கும் நடவடிக்கைகளுக்கு வழிவகுக்கும். அப்படியான நிகழ்வுகளை தடுக்கும் வண்ணம் உங்கள் காலர் அடையாளத்தை மறைப்பது என்பது எவ்வளவு முக்கியமான ஒன்று என்பதையும் அதை எப்படி நிகழ்த்துவது என்பதை பற்றிய தொகுப்பே இது. பட்டியலிடப்பட்டுள்ள சில தந்திரங்களை பயன்படுத்தி நீங்கள் உங்கள் 10 இலக்க எண்ணை மாற்ற முடியும் (இந்தியாவிற்குள்) ப்ரைவேட் நம்பராக மாற்றி அமைக்க முடியும்.

வழிமுறை :
 அறியப்படாத ஒரு எண்ணிற்கு அல்லது நண்பர்களை முட்டாளாக்கி விளையாட உங்கள் ஸ்மார்ட்போனின் எண்ணை ஒரு ப்ரைவேட் நம்பராக மாற்ற முடியும், அதை நிகழ்த்த கீழ் வரும் வழிமுறைகளை கவனமாக பின்பற்றவும்.

ஆண்ட்ராய்டு 4.0 மற்றும் முந்தைய பயனர்களுக்கு : 
செட்டிங்ஸ் ஆப் > கால் > அடிஷ்னல் செட்டிங்ஸ் > காலர் ஐடி > ஹைட் நம்பர் ஆப்ஷன் நிகழ்த்தவும். இப்போது நீங்கள் உங்கள் நம்பர்களின் எண்ணிற்கு அழைப்பு மேற்கொள்ள உங்கள் எண் ப்ரைவேட் நம்பர் என்று தோன்றும்.




ஆண்ட்ராய்டு 4.1 மற்றும் பிந்தைய பயனர்களுக்கு : 
போன் ஆப் > மெனு > கால் செட்டிங்ஸ் > காலர் ஐடி > ஹேட் நம்பர் ஆப்ஷன் நிகழ்த்தவும். இப்போது உங்கள் அழைப்பு பிறருக்குஒரு ப்ரைவேட் நம்பராகவே தோன்றும்.


ஐபோன் பயனர்களுக்கு : 
உங்கள் ஐபோனில் செட்டிங்ஸ் ஆப் > போன் ஐகான் கிளிக் செய்யவும் > ஷோ மை காலர் ஐடி > பின்னர் அதை ஒரு ப்ரைவேட் நம்பராக மாற்றியமைத்துவிட்டு பின்னர் 'ஆப்' ஸ்லைடருக்கு மாற்றவும்.


விண்டோஸ் பயனர்களுக்கு : 
 மொபைல் > மோர் பட்டன் ஆப்ஷன் > செட்டிங்ஸ் > ஷோ மை காலர் ஐடி > பின் உங்கள் தேவைக்கு ஏற்ப நோ ஒன் அல்லது மை காண்டாக்ட்ஸ் ஏதேனும் ஒன்றை தேர்வு செய்யவும். முக்கிய குறிப்பு : உங்கள் எண்ணை ப்ரைவேட் நம்பராக மாற்றியமைக்க முதலில் நீங்கள் உங்கள் ஆப்ரேட்டரை தொடர்பு கொள்ள வேண்டும். ஏர்டெல், வோடபோன், மற்றும் பி.எஸ்.என்.எல் ஆகிய நிறுவனங்கள் டயல்போர்ட் (Dialport), விஐபி மொபைல், வோடபோன் விபிஎன், வாய்ஸ் விபிஎன் போன்ற தனி சேவைகளையே கொண்டுள்ளது.

உங்களுக்கு என்ன நோய்? உறுப்புக்களின் அறிகுறிகளை வைத்து தெரிந்துகொள்ளலாம்:-

1. கண்கள் உப்பியிருந்தால் என்ன வியாதி....?

சிறுநீரகங்கள் மோசமாக இருப்பதைக் குறிக்கிறது. சிறுநீரகங்கள் உடலில் இருக்கும் கழிவுப் பொருட்களை அகற்றும் வேலையைச் செய்பவை. அவை சரிவர வேலை செய்யவில்லை என்றால், உடலில் சேரும் அசுத்த நீர் வெளியேற முடியாமல் போகும். இவை கண்களைச் சுற்றித் தேங்கி விடுவதால் கண்களைச் சுற்றி வீக்கம் போலத் தோன்றும்.

டிப்ஸ் : உணவில் சேர்த்துக் கொள்ளப்படும் உப்பின் அளவைக் குறைத்துக் கொள்ளவேண்டும். மேலும் அதிகப்படியான நீர் அருந்துவது சிறுநீரகங்கள் சரியாக வேலை செய்ய உதவும்.

2. கண் இமைகளில் வலி.. என்ன வியாதி....?

அதிகப்படியான வேலை காரணமாக இந்த வலி வரலாம். மேலும் மக்னீசியம் உடலில் குறைவதால் உடல் சோர்வடைந்து கண் இமைகளில் வலி உண்டாகிறது.

டிப்ஸ்: போதுமான அளவு ஓய்வு எடுத்துக் கொள்ளவேண்டும். அதோடு உணவில் முட்டைக்கோஸ் மற்றும் கீரைகளை அதிக அளவில் சேர்த்துக் கொள்ள வேண்டும்.

3. கண்களில் தெரியும் அதிகப்படியான வெளிச்சம் என்ன வியாதி...?

அதிகமாக வேலை செய்து கொண்டே இருப்பது. இந்த ஸ்டிரெஸ்ஸினால் உங்கள் மூளை குழப்பமடைந்து கண்களுக்கு தவறான தகவல்களை அனுப்பிவிடுகிறது. அந்த நேரத்தில் நமக்கு சட்டென அதிகப்படியான வெளிச்சங்களும், புள்ளிகளும் பார்வைக்குத் தெரிகிறது.

டிப்ஸ்: எப்பொழுதும் நிமிர்ந்து நிற்க வேண்டும். அதிகமாக காபி குடிக்கும் பழக்கத்தையும் தவிர்க்க வேண்டும்..

4. கண்கள் உலர்ந்து போவது.. என்ன வியாதி...?
நாம் ஏ.சி. நிறைந்த இடங்களில் அதிக நேரத்தைச் செலவிடும் போதும், கண்கள் அதிக வேலையினால் களைப்படையும் போதும் நம் கண்கள் உலர்ந்து மிகுந்த பாதிப்புக்குள்ளாகிறது.

டிப்ஸ்: குறைந்தது எட்டு மணி நேர இரவுத் தூக்கம் மிகவும் அவசியம். தினமும் கண்களை மேலும்_கீழுமாகவும், பக்கவாட்டின் இருபுறமும் அசைத்தல் போன்ற எளிய உடற்பயிற்சிகளை ஒரு நாளில் இரண்டு முறை செய்யவேண்டும்.

5. தோலில் தடிப்புகள் ஏற்படுதல் என்ன வியாதி...?

இருதய நோய் இருக்கலாம். குறிப்பாக இது காதுகளுக்குப் பக்கத்திலிருக்கும் தோலில் ஏற்படுமானால் உங்களுக்கு இருதய கோளாறு உள்ளது என்று தெரிந்து கொள்ளலாம். ஆனால், இப்படி அந்த இடத்தில் ஏன் தோல் தடிக்கிறது என்று டாக்டர்களுக்கே இன்னும் சரிவர புரியவில்லை என்கிறார்கள்.

டிப்ஸ்: அதிகப்படியான மன அழுத்தம் ‘ஹார்ட்_அட்டாக்’ வருவதற்கான வாய்ப்பை உருவாக்கும். மனதை பாரமில்லாமல் லேசாக வைத்துக் கொள்ள முயற்சிப்பதும், பிரச்சினைகளை நல்ல முறையில் அணுகுவதும் இதைத் தவிர்க்கும்.

6. முகம் வீக்கமாக இருப்பது என்ன வியாதி....?

உடலில் தண்ணீர் இழப்பு அதிகமாக இருப்பது. இப்படி ஏற்படும்போது உடலுக்குத் தண்ணீர் அதிகம் தேவைப் படுகிறது. உடலுக்குப் போதுமான தண்ணீர் கிடைக்காமல் போனால், ரத்த செல்கள் விரிவடைந்து முகம் வீக்கமாகத் தெரியும்.

டிப்ஸ்: ஒரு நாளைக்கு எட்டு கிளாஸ் தண்ணீராவது அருந்துவது அவசியம். எப்போதும் தண்ணீர் பாட்டிலை உடன் வைத்துக் கொண்டால் தண்ணீர் அருந்த வேண்டும் என்கிற உணர்வு ஏற்பட்டு அருந்துவீர்கள்.

7. தோல் இளம் மஞ்சளாக மாறுவது என்ன வியாதி...?

கல்லீரல் நோய். கல்லீரல் பாதிப்படையும்போது உடலிலிருக்கும் பித்த நீர் போன்ற மஞ்சள் நிற திரவங்களை வெளியேற்ற முடிவதில்லை. இதனால் தோல் மஞ்சள் நிறத்திற்கு மாறுகிறது.

டிப்ஸ்: அதிகப்படியான ஆல்கஹாலின் அளவால் இப்படி கல்லீரல் பிரச்சினை ஏற்படுகிறது. குடிப்பழக்கம் இருந்தால், உடனடியாக நிறுத்தி விடுவதே நல்லது.

8. பாதம் கை கால்களில் சில நேரங்களில் சுறுசுறுவென
உள்ளே ஏதோ ஓடுவது போலிருத்தல் என்ன வியாதி...?

சீரான ரத்த ஓட்டமின்மை. ரத்தக் குழாயில் அடைப்பு இருந்தால் உடலின் ரத்த ஓட்டம் சீராக இருக்காது. இந்த அறிகுறி உங்கள் ரத்தமானது பாதம் வரை சீராக ஓடச் செய்யும் முயற்சியே ஆகும்.

டிப்ஸ்: வைட்டமின் நிறைந்த உணவுகளும் கீரைகளும் சாப்பிட வேண்டும்.

9. பாதம் மட்டும் மரத்துப் போதல் என்ன வியாதி...?

நீரிழிவு நோயின் பாதிப்பு. டயபடீஸ், ரத்தத்திலிருக்கும் செல்களைப் பாதிப்பதோடு, நரம்புகள் செய்யும் வேலைகளையும் தடுத்து விடுகிறது. இதன் விளைவாக சில நேரங்களில் கால்களில் செருப்புக்கள் உராய்ந்து ஏற்படுத்தும் எரிச்சலையோ வலியையோகூட உணர்ந்து கொள்ள முடியாது.

டிப்ஸ்: பிளாக் டீ அல்லது கிரீன் டீ உங்கள் இரத்தத்திலிருக்கும் குளுக்கோஸின் அளவைக் குறைத்து நீரிழிவு நோயைக் கொஞ்சம் கட்டுப்படுத்தும். உடல் பருமனும்கூட டயபடீஸ் வருவதற்கு ஒரு முக்கிய காரணமாகும். அதனால் உடல் எடை அதிகமாகாமல் பார்த்துக் கொள்ள வேண்டியது அவசியம்.

10. பாதங்களில் உலர்ந்த வெடிப்புகள் என்ன வியாதி...?

தைராய்டு பிரச்சினையாக இருக்கலாம். இந்த தைராய்டு சுரப்பிதான் நம் தோலுக்குத் தேவையான ஹார்மோன்களை ஒழுங்கு செய்கிறது. இந்த தைராய்டு சுரப்பி சரியாக வேலை செய்யாதபோது, நம் பாதங்களின் தோல் உலர்ந்துபோகும். பாதங்களை சரிவரபாராமரிக்காமல் இருந்தால் அதிக அளவில் பாதிப்படைந்துவிடும்.

டிப்ஸ்: தைராய்டு பிரச்சினையின் வேறு சில அறிகுறிகள், அதிக சோர்வும் உடல்எடை அதிகமாதலும் இதில் எந்த அறிகுறிகள் இருந்தாலும் மருத்துவரைச் சந்திப்பது அவசியம்.

11. சிவந்த உள்ளங்கை என்ன வியாதி...?

கல்லீரல் பிரச்சினையாக இருக்கலாம். நோய்வாய்ப்பட்ட கல்லீரலால், நம் இரத்தத்திலுள்ள ஹார்மோன்களைக் கட்டுப்படுத்த முடியாமல் போகும். அதனால் உங்கள் ரத்தத்தின் நிறம் அதிக சிகப்பாகிவிடும். கல்லீரல் சரியாக வேலை செய்யவில்லை என்பதை, அதிக சிவப்பான உள்ளங்கைகள் தான் சட்டென காட்டிக் கொடுக்கும். காரணம் உடலின் மற்ற பாகங்களைவிட உள்ளங்கையின் தோல் மிகவும் மிருதுவாக இருப்பதுதான்.

டிப்ஸ்: கீழாநெல்லியை வாரத்தில் ஒருதரம் சாப்பிடுவது கல்லீரலைச் சரிப்படுத்தும். உடம்பின் விஷத்தன்மையை மாதம் ஒரு முறையாவது போக்க, ஒரு நாள் பழம் மட்டும் சாப்பிடுங்கள்.

12. வெளுத்த நகங்கள் என்ன வியாதி....?

இரத்த சோகை இருக்கிறது. இரத்தத்திலுள்ள சிகப்பணுக்கள் அளவில் குறையும்போது சின்னச் சின்ன வேலையைச் செய்வதற்கும் உடல் பலமின்றிப் போகும்!
ரத்தத்தின் சிவப்பணுக்கள் குறைவதால், இயல்பாக நகம் இருக்க வேண்டிய பிங்க் நிறம் போய், வெளுத்து விடுகின்றன.

டிப்ஸ்: இரும்புச்சத்து இரத்தத்திலுள்ள சிகப்பணுக்களின் எண்ணிக்கையை அதிகரிக்கச் செய்யும். ஈரல், கீரை வகைகள், மற்றும் இறைச்சியை உணவுடன் சேர்த்துக் கொள்ளவேண்டும். அல்லது டாக்டரின் ஆலோசனையின் படி குறிப்பிட்ட நாட்களுக்கு இரும்புச்சத்து மாத்திரைகளோடு பி_12 மாத்திரைகளையும் எடுத்துக் கொள்வது நல்லது.

13. விரல் முட்டிகளில் வலி என்ன வியாதி...?
ஆர்த்தரடீஸ் என்னும் மூட்டுவலி இருக்கிறது. இதனால் விரல் முட்டிகளில் வீக்கமும் வலியும் ஏற்படும். இந்த வலி அதிகமாக விரல் முட்டிகளில்தான் காணப்படும். அவை வடிவத்தில் சிறியதாக இருப்பதால், இந்த வலி உடனே வர வாய்ப்புண்டு. வயதானவர்களுக்கு மட்டுமே இந்த மூட்டுவலி வருவதில்லை. எந்த வயதுக்காரர்களுக்கும் வரலாம்.

டிப்ஸ்: உடலுக்குத் தேவையான கால்சியம் மற்றும் வைட்டமின் ஙி சரியான அளவில் எடுத்துக் கொண்டால் மூட்டு வலி வருவதைக் குறைக்கலாம். ஒழுங்கான உடற்பயிற்சிகள் மற்றும் உடல்பருமனைக் குறைத்தல் இரண்டும் மூட்டு வலி வராமல் தடுக்கும்.

14. நகங்களில் குழி விழுதல் என்ன வியாதி...?

சோரியாஸிஸ் இருக்கிறது. இது ஒரு மோசமான தோல் வியாதி. இதன் மூலம் தோலும் நகங்களும் மிகவும் மென்மையாகி விடும். இந்த வியாதி வந்தால் மென்மையான நகங்களில் குழிகள் வரக்கூடும்.

டிப்ஸ்: உடனடியாக சரும வியாதி நிபுணரைக் கலந்தாலோசிக்கவும். ஸ்டிரெஸ்ஸைக் குறைத்துக் கொண்டாலே வியாதி அதிகமாவதைத் தடுக்கலாம்.

16. வாய்ஈறுகளில் இரத்தம் வடிதல் என்ன வியாதி....?

பல் ஈறு சம்பந்தப்பட்ட நோய் இருக்கிறது. ஈறுகளிலும் அவற்றின் அடியிலிருக்கும் எலும்புகளிலும் தொற்று நோய்க் கிருமிகளின் தாக்குதல் இருந்தால், பற்கள் உறுதி இழந்து விழுந்துவிடும். பல் துலக்கும்போது ஈறுகளில் ரத்தம் வருவது இந்த நோயின் முதல் அறிகுறி.

டிப்ஸ்: தினமும் பற்களைச் சுத்தமாக துலக்குவதும், பற்காரைகள் வராமல் பாதுகாப்பதும் அவசியம். ஆன்ட்டி பாக்டீரியல் கொண்ட மவுத் வாஷ் கொண்டு வாய் கொப்பளிப்பது நல்லது. www.puradsifm.com

17. சாப்பிடும்போது வாய் முழுக்க வலி ஏற்படுதல் என்ன வியாதி....?

வாய்ப்புண் இருக்கிறது. அதிகமாக ஸ்டிரெஸ் செய்து கொள்வதாலும் வாய்ப்புண் வரலாம். உடலில் ஃபோலிக் ஆசிடின் குறைவு மற்றும், இரும்புச்சத்து அல்லது வைட்டமின் பி_12ன் குறைவினாலும் இப்படி ஏற்படுகிறது.

டிப்ஸ்: ‘மல்டி_விட்டமின்’ மாத்திரைகளைத் தினமும் எடுத்துக் கொள்ளவேண்டும். மேலும் தியானம் மற்றும் யோகா செய்வதால் ஸ்டிரெஸ்ஸைக் குறைக்கலாம். ஹைட்ரஜன் பெராக்ஸைடு கொண்டு வாய் கொப்பளித்து வருவதால் இன்பெக்ஷன் குறைந்து வாய்ப்புண் ஆறும்.

18. வாய் ஈரப்பசையின்றி உலர்ந்து போவது. என்ன வியாதி....?

உடலின் போதுமான நீர்ச்சத்து குறைந்து போயிருக்கிறது. உடலில் அதிகப்படியான நீர் வெளியேறுவதால் இந்த டீஹைடிரேஷன் ஏற்படுகிறது. மேலும் அதிகப்படியாக வியர்ப்பது மற்றும் நீரிழிவு நோயும்கூட வாய் உலர்ந்து போவதற்கு காரணமாகும்.

டிப்ஸ்: நிறைய திரவ ஆகாரம் எடுத்துக் கொள்ளவேண்டும். தினமும் குறைந்தது ஒன்றரைலிட்டர் தண்ணீர் அருந்துவது அவசியம். அதன்கூடவே பழங்களையோ பழச்சாறோ அருந்துதலும் நல்ல பலன் தரும்.
--------------------------------------------------------------------------------------

இனி ஸ்விட்ச்டு ஆஃப் தேவையில்லை : வீட்டிலேயே மொபைல் ஜாமர் செய்வது எப்படி..?

மொபைல் போன்கள் நம் வாழ்க்கையில் ஒருங்கிணைந்த கருவியாக மாறிவிட்டது. நாம் எங்கு சென்றாலும் அதை எல்லா இடங்களிலும் கொண்டு செல்ல வேண்டிய, செயல்படுத்த வேண்டியபடி நமது தேவைகளுக்கான ஒரு எல்லைக்குள் நிர்ப்பந்தபட்டிருக்கிறோம். ஆனால், சில நேரங்களில் உங்கள் தொலைபேசி உங்களை எரிச்சலூட்ட தவறுவதில்லை குறிப்பாக நெனெகல் எங்கு அமைதியை கடைபிடிக்கிறீர்களோ, எதிர்பார்க்கிறீர்களோ அந்த இடங்களில் மொபைல் சத்தம் உங்கள் பொறுமையை சற்றே சோதித்து பார்க்கும். அதை தடுப்பதறகான ஒரு வழியாய் சமிக்ஞைகளை தடுக்கும் மொபைல் போன் ஜாமர் பயன்படுத்தலாம் என்பது ஒரு நல்ல யோசனை தான் இருப்பினும் அது சட்டவிரோத என்பதால் தனிப்பட்ட பயன்பாட்டிற்கு மொபைல் போன் ஜாமர் பயன்படுத்த வேண்டாம் என்று பரிந்துரைக்கிறோம் உடன் உங்கள் வீட்டில் உள்ள எளிய உபகரணங்கள் பயன்படுத்தி ஒரு மொபைல் ஜாமர் உருவாக்குவது எப்படி என்ற வழிமுறைகளையும் உங்களுக்கு வழங்குகிறோம்.

எப்படி வேலை செய்யும்..? 

ஒரு மொபைல் ஜாமரை கட்டமைக்கும் முன்பு அது எப்படி வேலை செய்யும் என்பதை நீங்கள் தெரிந்துக்கொள்ள வேண்டும். பெரும்பாலான கையடக்க தொலைபேசிகள் ஜிஎஸ்எம் 800 என்ற பெயர் கொண்ட தகவல் தொடர்பு 800மெகாஹெர்ட்ஸ் பேண்ட்டை தான் தொடர்பு கொள்ள பயன்படுத்திக் கொள்ளும் . எனவே, அடிப்படையில் உங்கள் மொபைல் போன் ஜாமர் கொண்டு அதிர்வெண் வரம்பில் (ஜிஎஸ்எம் 800 ) சுற்றிய சிக்னல்களை தடுக்க வேண்டும்.

என்ன உபகரணங்கள் தேவை.?

 45 மெகாஹெர்ட்ஸ் ப்ரிக்குவன்சி ரேன்ஜ் கொண்ட ஒரு க்ளாக் ஆக்சிலரேட்டர் ஆப்ரேட்டிங் (clock oscillator operating). இது மினி சரக் க்யூட் மிக்ஸரில் (mini-circuit mixer) அமைந்துள்ள லோக்கல் ஆக்சிலரேட்டர் போர்ட்-ல் (Local Oscillator port) நாய்ஸ் சோர்ஸ் (noise source) ஆக செயல்படும். மேலும் : உடன் ஒரு நல்ல ஆர்எப் டெஸ்டிங் சாதனம் (RF-testing equipment), ஒரு அலுமினியம் பாக்ஸ், பழைய போன்களில் காணப்படும் அல்ட்ரா-ஹை ப்ரிக்குவன்சி கனெக்டர்கள் (ultra-high frequency connectors), ஒரு 9-வோல்ட் பேட்டரி, மற்றும் ஒரு வோல்டேஜ் ரெகுலேட்டர் (voltage regulator) உருவாக்குவது எப்படி.? மேலே குறிப்பிடப்ட்டுள்ள அனைத்து உபகரணங்களையும் சேர்த்தவுடன், மொபைல் ஜமார் செய்வதை கீழ் அளிக்கப்பட்டுள்ள 7 எளிய வழிமுறைகளை பயன்படுத்தி செய்ய தொடங்கலாம்.

 வழிமுறை #01 

செய்யபப்டும் உபகரணங்களை பாதுக்கும் வெளி சட்டமாக அலுமினிய பெட்டியை பயன்படுத்தவும். 

வழிமுறை #02 

உள்ளீடு (இன்புட்) மற்றும் வெளியீடு (அவுட்புட்) மூலங்களாக தீவிர உயர் அதிர்வெண் இணைப்பிகளை (ultra-high frequency connectors) பயன்படுத்தவும். 

வழிமுறை #03 

இப்போது மினி சரக் க்யூட் மிக்ஸர் உடன் ஆர்எப் கனெக்ட்டர்களை இணைக்கவும். 

வழிமுறை #04

 இப்பொது 9 வோல்ட் பேட்டரி மற்றும் மின்னழுத்த சீராக்கி (வோல்டேஜ் ரெகுலேட்டர்) பயன்படுத்தி அனைத்து கூறுகளுக்கும் சக்தி வழங்க வேண்டும்.

 வழிமுறை #05

 அலுமினிய பாக்ஸ் உடல் மேல் ஒரு பவர் ஆன் /ஆஃப் பொத்தானை வைக்கவும்.

 வழிமுறை #06

 இறுதியாக, உள்ளீடு மற்றும் வெளியீடு ஆண்டெனாக்களை தீவிர உயர் அதிர்வெண் இணைப்பிகளில் இணைக்கவும்.

வழிமுறை #07 

இப்போது சிக்னல்களை ஜாம் செய்ய ஆன் பொத்தானை அழுத்தி சோதிக்கவும். கவனத்திற்கு: பயனர்கள் தங்கள் சொந்த விருப்பத்தில் இதை நடைமுறைப்பபடுத்தி பார்க்கும்படி கேட்டு கொள்ளப்படுகிறார்கள்.